logo

2021-09-09 | PASG Brussels | Silvia Danowski-Reetz

Silvia Danowski-Reetz sálfræðingur og Alexander Erbarth dómari bjuggu til Greiz líkanið, sem byggir á skammtíma inngripi af hálfu dómsins, byggt á samstarfi. Hugmyndin gengur út að að dómari annaðhvort telur foreldrana (sem eiga í deilum) á að taka þátt í vinnunni eða skipar þeim að gera það. Foreldrarnir funda þvínæst með Sylvíu og ef það gengur ekki er farið aftur fyrir réttinn og vinnan unnin í réttarhaldi með dómaranum.

Sylvia segir aðalatriðið að halda hættunni frá börnunum og koma í veg fyrir sálrænu áhrifin á barnið til langs tíma, enda sé það sálrænt ofbeldi að draga barn inn í erjur vegna skilnaðar við hitt foreldrið. Hún segir flesta foreldra ekki átta sig ekki á þessu. Sumir bregðast strax vel við fræðslu, aðrir þurfa meira tiltal. Sumir neita að ræða málin við Sylvíu og þá þarf að ræða málin fyrir rétti, ásamt Sylvíu og dómaranum. Ef það dugir ekki, þá þarf dómari að taka ákvörðun um forsjána eða einhvers konar bráðabirgðalausn.

Sylvia bendir á að stundum þarf meiri þrýsting til að foreldrarnir stígi inn og átti sig á því sem þau eru að gera og breyti hegðun sinni. Einnig þarf að tala um möguleikann á að barnið sé tekið úr fjölskyldunni en það fer eftir ýmsu, vegna þess að ef annað foreldrið útilokar af mikilli hörku þá er alltaf hætta á að það foreldri fari í burtu, taki barnið og flýi með það.
Sylvia segir þetta vera eins og íhlutun og ekki alls kostar frjálst val. Flestir foreldrarnir samþykkja að gera þetta en það getur reynst erfiðara að koma þeim í þessa vinnu þegar það þarf að þvinga báða foreldrana, eða annað hvort þeirra.

Markmiðið með samvinnunni að sögn Sylvíu er að stöðva hvers konar ofbeldi gegn barninu og koma á umgengni að nýju. Samþykki foreldra, samkomulag milli foreldra næst í 98% tilvika. Sylvía bendir á að foreldrarnir þurfi að skilja hvað þau eru að gera barninu og færa fókusinn aftur yfir á barnið. Hún fer yfir þetta með foreldrunum og athugar hvort þau geti þetta eða ekki.

Sylvía segist ekki enn hafa getað breytt neinum dómara. Þegar hún fari á fund dómara sem sérfræðingur sé það mjög erfitt, vegna þess að dómarar vilja yfirleitt vera stjórnendur í málum, þeir eru með sínar eigin hugmyndir og vilja ekki láta aðra leiða sig. Þess vegna er erfitt að finna dómara sem fara í raun í lausnavinnuna.

Ef barn er ekki að umgangast annaðhvort foreldri sitt þá sér Sylvía um að koma á umgengni. Hún fær þá barnið til að samþykkja að mæta á einn fund með foreldri sínu og síðan er þeim samskiptum haldið opnum. Þegar Sylvia fer og hittir börnin tekur hún einn tíma í einu og er ekki með neina stranga áætlun. Hún bendir á að ólíkar aðferðir henta ólíku fólki og að foreldrarnir þurfa að vera við borðið með henni: það hjálpi þeim líka þegar uppi er staðið.

Ráðstefna/Viðburður:
Framleiðandi:
Efnisflokkur:

Fleiri myndbönd

2020-07-01 | Parental Alienation UK | Erin Pizzey

Erin Pizzey discussing Parental Alienation

Erin Pizzey stofnandi fyrsta athvarfs fyrir þolendur heimilisofbeldis ræðir hér um foreldraútilokun og þær hörmulegu afleiðingar sem slík átök á milli foreldra hafa á börn. Hún leggur áherslu á að setja þarfir barna í forgang og hversu brýnt það er að vernda börn og velferð þeirra með því að takast á við foreldraútilokunarmál, sem hún telur vera orðin það algeng að skilgreina megi þau sem faraldur.

2023-08-19 | ICSP Athens | Karolina Andriakopoulou | Child Abductions

Untitled

Karolina Andriakopoulou, lögfræðingur við fjölskyldurétt í Aþenu, fjallar um alþjóðleg barnsránsmál sem eru tíð í hennar starfi. Hún lýsir flóknum málum þar sem foreldrar frá ólíkum menningarheimum skilja og togast um forsjá barna. Andriakopoulou bendir á að börn sem flutt eru ólöglega til eða frá Grikklandi endurheimtast sjaldan, sem hefur djúpstæð áhrif á þau, þar á meðal áfallastreituröskun. Hún leggur áherslu á mikilvægi þess að foreldrar séu meðvitaðir um réttarkerfið og afleiðingar barnsrána.

2016-03-05 | TEDxCSU | Jennifer J. Harman | Parental Alienation

TEDx 2016 Jennifer J. Harman on Parental Alienation

Í þessum fyrirlestri ræðir Jennifer J. Harman um foreldraútilokun og áhrif staðalímynda um foreldrahlutverk á þetta vandamál. Hún greinir frá því hvernig foreldrar nota neikvæðar staðalímyndir til að skaða samband barna við hitt foreldrið og hvernig slík hegðun getur haft alvarlegar afleiðingar fyrir börn og útilokaða foreldra. Harman leggur áherslu á mikilvægi þess að breyta lögum og stefnum til að takast á við foreldraútilokun og koma í veg fyrir mismunun.

Deila

Facebook
Twitter
LinkedIn
Email