logo

2023-10-09 | Morgunverðarfundur | Velferðarvaktin | Hagir umgengnisforeldra

Morgunverðarfundur Velferðarvaktarinnar um stöðu og aðstæður foreldra sem ekki deila lögheimili með barni

Velferðarvaktin stóð fyrir morgunverðarfundi á Hótel Reykjavík Natura mánudaginn 9. október kl. 9.00-10.30 um stöðu og aðstæður foreldra sem ekki deila lögheimili með barni. Kynntar voru helstu niðurstöður nýlegrar rannsóknar á stöðu og aðstæðum foreldra sem ekki deila lögheimili með barni.

Velferðarvaktin og félags- og vinnumarkaðsráðuneytið stóðu að rannsókninni en Félagsvísindastofnun Háskóla Íslands sá um framkvæmd hennar. Flutt voru erindi og að lokum fóru fram pallborðsumræður, meðal annars með þátttöku félags- og vinnumarkaðsráðherra og dómsmálaráðherra.

Formaður Foreldrajafnréttis flutti erindi á fundinum. Erindið hefst á því að hann þakkar ráðamönnum fyrir framkvæmd könnunarinnar um hagi umgengnisforeldra. Hann minnist Heimis Hilmarssonar og þeirrar miklu vinnu sem hann lagði í rannsóknir á stöðu feðra sem ekki búa með börnum sínum. Gagnrýni er sett fram á að í könnuninni séu svör frá foreldrum sem búa með börnum sínum og nýjum maka, sem skekkir niðurstöður og lætur stöðu umgengnisforeldra virðast betri en hún er í raun.

Formaðurinn lýsir yfir áhyggjum af kerfinu sem mismunar foreldrum, leiðir til fjárhagslegra og félagslegra erfiðleika fyrir umgengnisforeldra, og hvetur til endurskoðunar á meðlags- og barnabótakerfinu til að skapa réttlátari skiptingu. Hann nefnir að mismunun gegn umgengnisforeldrum og neikvæð áhrif á börn séu staðreynd, ásamt ofbeldi og tálmanir í umgengni. Formaðurinn skorar á ráðherra dómsmála og félagsmála að grípa inn í og breyta kerfinu og býður fram aðstoð sína til að ræða lausnir. Að endingu þakkar hann fyrir tækifærið til að koma málefnum foreldrajafnréttis á framfæri.

Erindið í heild sinni má finna hér: https://foreldrajafnretti.is/greinar/2023-10-09-erindi-formanns-foreldrajafnrettis-a-morgunverdarfundi-velferdarvaktarinnar-um-hagi-umgengnisforeldra/

Ráðstefna/Viðburður:
Framleiðandi:
Efnisflokkur:

Fleiri myndbönd

2019-09-14 | PASG Philadelphia | Karen Woodall

PASG 2019 – Karen Woodall

Karen Woodall geðlæknir hefur mikla reynslu af að vinna með kynslóðaskipt áföll og foreldraútilokun. Samkvæmt henni hefur fjölskylduaðskilnaður, útilokandi hegðun og klessutengsl slæm og langvarandi áhrif á börn. Þá tileinka börn sér á fullorðinsaldri svipað fjölskyldumynstur og þau alast upp við, sem getur gert þau útsett fyrir að verða sjálf útilokað foreldri.

2021-09-09 | PASG Brussels | Hans-Christian Prestien

Hans-Christian Prestien
Hans-Christian Prestien var dómari við fjölskylduréttinn í Bielefeld í Þýskalandi frá árinu 1977 til 1981. Hann vann með tveimur háskólaprófessorum í sálfræði að því að að þróa hugmyndafærði til að takast á við erfiðar fjölskyldudeilur fyrir dómstólum. Hans-Christian kallar eftir lagalegum breytingum í forsjármálum og telur heillavænlegast að skipa þverfaglega fulltrúa til að gæta hagsmuna barna í slíkum málum.

Deila

Facebook
Twitter
LinkedIn
Email